Кеча, 12 декабрь куни Таиланд давлатида якунига етган бокс бўйича катталар ўртасидаги Осиё чемпионатида Ўзбекистон терма жамоаси 11 та олтин, 6 та кумуш, 3 та бронза, жами 20 та медаль билан умумжамоа ҳисобида биринчи ўринни эгаллаганди.

Маълум бўлишича, эркаклар терма жамоамизнинг битта олтин медали олиб қўйилиб, финалда ютқазган қозоқ боксчиси Аблайхай Жусуповга тақдим этилган. -71 кг вазн тоифасида Осиё чемпиони бўлган ҳамюртимиз Ҳавасбек Асадуллаев жанг чоғида рақибининг елкасидан тишлаб олгани учун шундай қарорга келинган.

Қозоғистон бокс федерацияси ушбу ҳолат бўйича Осиё бокс конфедерациясига шикоят хати киритган. Вазиятни ўрганиб чиққан тартиб-интизом қўмитаси Асадуллаевни дисквалификация қилиб, унинг олтин медалини Аблайханга тақдим этган.

• Бокс
• Олтин
• Осиё Чемпионати
• Спорт
• Tailand