Ўзбекистонда бугун, 12 январь куни граммли қуйма олтин нархи илк бор 9 миллион сўмдан ошди.

Марказий банк маълумотларига кўра, олтин қуймаларининг янги нархлари қуйидагича белгиланди:

- 5 грамм — 9 млн 010 минг сўм;

- 10 грамм — 18 млн 020 минг сўм;

- 20 грамм — 36 млн 472 минг сўм;

- 50 грамм — 90 млн 100 минг сўм;

- 100 грамм — 180 млн 200 минг сўм.

Шунингдек, Ўзбекистон Марказий банки 5 январдан бошлаб олтин қуймаларини қайтариб сотиб олиш нархларини эълон қилишни йўлга қўйди. Қайтариб олиш нархлари қуйманинг қадоғи бутун ёки бузилган бўлишига, яъни техник талабларга мос келиш-келмаслигига қараб фарқланади.

Жаҳон бозорида ҳам олтин нархи кескин ошиб, 4600 долларлик даражани забт этди. Инвесторлар фонд бозорларидаги хавфлардан қочиб, энг ишончли активлардан бири ҳисобланган олтинга тобора кўпроқ мурожаат қилмоқда. Бунга бир қатор омиллар сабаб бўлаётгани тахмин қилинмоқда. Хусусан, Эронда давом этаётган норозилик намойишлари, АҚШ томонидан ушбу мамлакатга зарба берилиши мумкинлиги ҳақидаги хавотирлар ҳамда Гренландия атрофидаги вазият шулар жумласидан.

• Марказий банк
• Олтин
• Ўзбекистон