Эндиликда Ўзбекистонда ўзига бегона шахсларга хайрия йиғиш тақиқланиши мумкин. Бу бўйича қонун лойиҳаси Олий Мажлис Қонунчилик палатаси депутатлари томонидан биринчи ўқишда қабул қилинган.

Ҳозирда кўнгиллилар томонидан ҳомийлик хайрияларини йиғишнинг аниқ тартиби белгиланмоқда.

Бунда жисмоний шахслар фақат ўзи ёки яқин қариндоши учун хайрия маблағларини йиғиши мумкин бўлади. Кўнгиллилар эса ўзига бегона бўлган шахслар учун хайрия йиғишда фақат эълон бериш билан кўмаклашиши мумкин.

Агар хайрия нақд пул шаклида йиғиладиган бўлса, буни фақат хайрия қутиси ёрдамида ёки ҳомийлик ташкилотлари, ҳомийликни амалга оширувчи ёки олувчи юридик шахсларнинг банк ҳисобварақларига пул ўтказиш йўли билан амалга ошириш лозим бўлади.

Хайрия мол-мулк шаклида йиғилса, қабул қилиб олинган мол-мулк рўйхати шакллантирилади ҳамда унинг тури, миқдори кўрсатилган ҳолда далолатнома тузилади.

• Олий Мажлис
• Қарор