ТРТ хабарига кўра, Исроил армияси Ғазога гуманитар ёрдам етказишни мақсад қилган “Глобал Сумуд” номли флотилияга ҳужум уюштирган ва 170 нафардан ортиқ иштирокчини қўлга олган. Ҳодиса Крит ороли яқинидаги халқаро сувларда содир бўлган. Умуман олганда, флот таркибида 39 давлатдан 345 нафар фаол қатнашган.

Операция давомида 21 та кема ушлаб қолинган, айрим кемалар эса Греция ҳудудий сувларига киришга муваффақ бўлган.

Мазкур флот жорий йил 12 апрель куни Барселонадан йўлга чиққан бўлиб, унинг асосий мақсади Ғазо секторига инсонпарварлик ёрдамини етказишдан иборат эди. Ҳозирча қўлга олинган фаолларнинг ҳолати ҳақида аниқ маълумот берилмаган.

• Барселона
• G‘azo
• Isroil