35°
Кечаси 21°
2026 йилда АҚШ, Канада ва Мексика яшил майдонларида бўлиб ўтувчи футбол бўйича Жаҳон чемпионатининг саралаш босқичи давом этмоқда. 8-турдан сўнг Осиё қитъаси учун берилган 8 та йўлланма учун кураш кульминацион нуқтасига етди. Япония ҳамда Эрон терма жамоалари аллақачон мундиалдаги иштирокини ҳал қилган бўлса, Ўзбекистон терма жамоасида ҳам имкониятлар юқори.
“А” гуруҳидаги иккинчи тўғридан-тўғри йўлланма учун Қатар термаси курашдан чиқди. 2022-йилги Жаҳон чемпионати мезбонлари 10 очко билан 4-ўринни банд этмоқда. Шунингдек, Қирғизистон термаси учун ҳам мундиал имкониятлари сақланиб турибди. Айни пайтда БАА вакиллари 13 очко билан 3-ўринда бормоқда. 2-ўриндаги Ўзбекистон яқин таъқибчисидан 4 очко илдамлаб кетган. 5 июнь куни Бирлашган Араб Амирликларида бўлиб ўтувчи БАА-Ўзбекистон баҳсидаги дуранг натижа ёки, 10 июнь куни Тошкентда Қатар устидан қозонилган ғалаба ўзбекистонликлар учун Жаҳон чемпионатидаги илк иштирокни таъминлайди.
We Global Football портали миллий жамоаларнинг Америка қитъасида бўладиган мундиалга йўлланма олиш имкониятларини баҳолади. Унга кўра, Ўзбекистон миллий жамоасининг А гуруҳидан океан ортидаги Жаҳон чемпионатига тўғридан-тўғри йўлланма олиш имконияти 96 фоизга баҳоланмоқда. Қирғизистонга қарши баҳсдан кейин бу рақамлар 92,6 фоизни ташкил қилаётган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
