Арманистон Бош вазири Никол Пашинян Конституция куни муносабати билан арман халқига мурожаат йўллади. У ўз баёнотида мамлакатнинг янги конституцияга эҳтиёжи муҳимлигини таъкидлаб, қуйидаги фикрларни айтиб ўтди:

‘‘Арманистонга референдум орқали халқ томонидан қабул қилинадиган янги Конституция керак. Бу халқимизнинг ўз ватанида янада яхши яшаши учун яратадиган қоидалар мажмуи бўлади’’.

Сиёсатчининг сўзларига кўра, Арманистонда охирги 35 йил ичида ўрнатилган ҳуқуқий тартиб халқнинг иштирокисиз қабул қилинган қонунлар сифатида қаралади.

Мамлакатнинг бугунги шароитини акс эттирувчи ва аниқ мақсадларга эга янги Конституция зарурлигини таъкидлаган бош вазир ўтган минг йилликлардан фарқли ўлароқ, айнан бугунги фуқароларни ватан ва давлатнинг муҳим бўғини сифатида кўришини таъкидлади.

• Арманистон
• Конституция
• Пашинян
• Referendum\