АИ-80 автобензинига бўлган талаби таклифга нисбатан кескин ошишига олиб келди. Бугунги кунда “80 бензин”га бўлган талаб кунлик 8 минг тоннага етган. АЁҚШлар томонидан эса автобензинни ноқонуний реализация қилиш, шохобчаларда нархларни сунъий ошириш, сифатсиз бензин ёнилғисини сотиш каби ҳолатлар содир этилмоқда.

“Ўзбекнефтгаз” АИ-80 бензинни етказиб бериш бўйича барча чоралар кўрилаётганини маълум қилди.

Қайд этилишича, жамият тасарруфидаги “UNG Petro” ёқилғи қуйиш шохобчаларига юкламаи ошган.

Ёқилғи қуйиш шохобчаларида колонкалар (одатда 2-4 та) максимал қувватларда ишлатилаётгани, бироқ оқимни бир вақтда бензин билан таъминлаш имкони бўлмагани сабаб АИ-80 бензинига сезиларли навбатлар юзага келмоқда.

Ички бозорда танқислик вужудга келишига йўл қўймаслик мақсадида, “Ўзбекнефтгаз” томонидан тизимли ишлар амалга оширилмоқда. Хусусан, ишлаб чиқариш ҳажмлари оширилиб, кунлик ўртача 4,6 минг тонна АИ-80 русумли автобензин ишлаб чиқарилмоқда. Шундан Бухоро нефтни қайта ишлаш заводи 3,1 минг тонна ва Фарғона нефтни қайта ишлаш заводи 1,5 минг тонна. Жорий йилнинг январь ойида биржа савдоларига жами 136,5 минг тонна (ўртача биржа кунида 6 203 тонна) АИ-80 русумидаги автобензин сотиш учун жойлаштирилиб, АЁҚШлар томонидан харид қилинди. Бу кўрсаткични ўтган йилнинг мос даврига солиштирганда 44,6 минг тоннага кўпдир, дейилади жамият хабарида.

Шунингдек, АИ-80 русумидаги автобензиннинг биржа савдоларига жойлаштириладиган ҳажми оширилиб, масалан, 31 январь куни биржа савдоларига 5 550 тонна АИ-80 автобензин сотиш учун жойлаштирилган. Жамият томонидан яратилган захира, шунингдек ишлаб чиқарилган автобензин ҳисобидан 163,6 минг тонна (ўртача кунлик 5 276 тонна) ва ўтган йилнинг мос даврига нисбатан 74,7 минг тоннага кўп автобензин етказиб берилмоқда.

Истеъмолчиларга 31 январь куни 6 303 тонна АИ-80 бензин, Тошкент шаҳри ва вилоятига 1 466 тонна тарқатилган. Бироқ, бугунги кундаги вужудга келаётган талабни ишлаб чиқариш қувватлари орқали тўлиқ таъминлаш имконияти чегараланган.

Хусусан, жорий йилнинг январь ойида Россиядан 50 минг тонна АИ-80 К5 русумидаги автобензинни импорт қилиш бўйича шартнома тузилиб, жами 44,2 минг тонна автобензин юкланган бўлиб, ҳозирда республика ҳудудига етказиб келиш ва ички бозорга сотиш чоралари кўрилмоқда.

Таъкидланишича, бугунги кунда, “UNG Petro” МЧЖ томонидан АИ-80 бўлаётган талаб ортиб бораётганлиги, республика иқтисодиёти ва аҳолисини нефть маҳсулотлари билан таъминлашни инобатга олиб, тақчиллик, узилишлар ва АЁҚШлардаги навбатларни олдини олиш мақсадида, “Газпром” компанияси томонидан ишлаб чиқарилган АИ-80-К5 русумли автобензин харид қилиниб, АЁҚШлар орқали республикамиз истеъмолчилари учун реализация қилинмоқда.

Бундан ташқари жорий йилнинг январь ойида “UNG Petro” МЧЖ томонидан импорт ҳисобига қўшимча 8,4 минг тонна юқори октанли автобензин етказиб берилган, жумладан АИ-92 5,6 минг тонна, АИ-95 2,5 минг тонна ва АИ-98 300 тонна.

Ўзбекистон Республикаси Президенти Администрацияси ва Вазирлар Маҳкамаси топшириғига асосан автобензинни узлуксиз ва барқарор етказиб берилиши юзасидан Энергетика вазирлиги томонидан кунлик ва соатлик назорат ўрнатилган.

Автобензин танқислигига йўл қўймаслик бўйича барча чоралар кўрилган, жумладан 2023 йил 1 февраль ҳолатига Жамият тасарруфидаги нефть базалар ва нефтни қайта ишлаш заводларида 42,1 минг тонна автобензин қолдиқлари мавжуд.

• AYQSh
• Бензин
• yoqilg‘i