Бугун, 22 октябрга ўтар кечаси Угандада содир бўлган йирик йўл-транспорт ҳодисаси оқибатида 63 киши ҳалок бўлди ва бир неча киши жароҳат олди. Бу ҳақда мамлакат Йўл патруль хизмати хабар берди.

Ҳодиса маҳаллий вақт билан соат 00:15 атрофида Киталеба аҳоли пункти яқинида содир бўлган. Тўқнашувда икки автобус, юк машинаси ва йўлтанламас автомобиль иштирок этган.

Дастлабки маълумотларга кўра, Кампаладан Гулу томон кетаётган автобус ҳайдовчиси юк машинасини қувиб ўтмоқчи бўлган пайтда, қарама-қарши йўналишда ҳам боша бир автобус юк машинасини қувиб ўтмоқчи бўлган. Натижада, иккала автобус тўқнашган, ортдан келаётган бошқа транспорт воситалари ҳам уларга урилган.

Полиция ҳодиса жойига тезда етиб борган ва жароҳатланганларни шифохонасига ҳамда бошқа яқин тиббиёт муассасаларига олиб борган. Шунингдек, полиция ҳалок бўлганларнинг оилаларига чуқур ҳамдардлик билдирган.

• Afrika
• Автобус
• Avtohalokat
• Уганда