“Ўзенергоинспексия” Самарқанд вилояти ҳудудий бошқармаси, вилоят прокуратураси ва ИИБ ҳамкорлигида ўтказилган назорат тадбирида, Самарқанд шаҳрида “Б.Қ.С.” МЧЖга қарашли кўп қаватли уй биноси (21 та хонадон) лойиҳа ҳужжатлари расмийлаштирмасдан тармоққа тўғридан-тўғри уланиб, табиий газдан ноқонуний фойдаланиб келаётганлиги аниқланган. Бу ҳақда Энергетика вазирлиги хабар берди.

Ушбу қоидабузарлик натижасида, дастлабки ҳисоб-китобларга кўра, газ таъминоти корхонасига 3 миллиард 560 миллион сўмлик зарар етказилганлиги маълум бўлди.

Шунингдек, “Ўзенергоинспексия” томонидан ўтказилган назорат тадбири давомида Тошкент вилоятининг Тошкент туманида жойлашган “ЯТТ” Т.Ж.га қарашли савдо дўкони электр таъминоти корхонаси билан шартнома тузмасдан, тармоққа ўзбошимчалик билан уланган ҳолда электр энергиясидан ноқонуний фойдаланиб келаётганлиги аниқланган.

Мазкур қоидабузарлик натижасида, дастлабки ҳисоб-китобларга кўра, электр таъминоти корхонасига 173,4 млн сўмлик зарар етказилган.

Ҳозирда ушбу ҳолатлар юзасидан ҳуқуқни муҳофаза қилувчи органлар томонидан терговга қадар текширув ишлари олиб борилмоқда.

• Электр энергияси
• Энергетика_вазирлиги
• Газ
• MCHJ
• Qoidabuzarlik
• Самарқанд