Тelegram асосчиси Павел Дуров Ўзбекистонга қилган саёҳати ҳақида пост эълон қилди. Миллиардернинг сўзларига кўра, Ўзбекистон аҳолиси мессенжерни яхши кўради ва 37 миллион аҳолига эга мамлакатнинг 70 фоиздан ортиғи ундан фойдаланади.

“Мамлакатдаги ҳар бир бизнесмен Telegram боти ёки каналидан фойдаланади”, - деди Дуров ўз постида унга бир нечта фотосуратларни илова қилиб.

Шунингдек, Telegram асосчиси саёҳати давомида жадал ривожланаётган Тошкентнинг илғор инфратузилмаси, Ўзбекистон шаҳарлари ва ландшафтлари, Бухоро ва Самарқанднинг бой тарихи ҳайратда қолдирганини маълум қилган. Ҳамда юртимизда кўплаб ёш ва иқтидорли, меҳрибон инсонларни учратганини айтиб, миннатдорчилик билдирган.

• Дуров
• Телеграм