WБА чемпионлигини қўлга киритган ўзбекистонлик профессионал боксчи Исроил Мадримовга президент совғаси — нархи 1,04 млрд сўм бўлган Tahoe автомобили топширилди.

WБА (Жаҳон бокс ассоциацияси) йўналишида ўсмирлар ўртасида ўрта вазн (69,9 кг гача) бўйича жаҳон чемпионлигини қўлга киритган ўзбекистонлик профессионал боксчи Исроил Мадримов Тошкентга қайтиб келди. Пайшанба куни пойтахт аеропортида у тантанали кутиб олинди.

Маросимда Миллий олимпия қўмитаси бош котиби Ойбек Қосимов, Спорт фахрийлари кенгаши раиси Баҳодир Махситов, Миллий олимпия қўмитаси раиси ўринбосари, Бокс федерацияси раҳбарининг биринчи ўринбосари Сакен Пўлатов, спортчилар, мухлислар ва оммавий ахборот воситалари қатнашди.

Исроил Мадримовга “Президент совғаси” ёзуви туширилган Чевролет Tahoe автомобили калити топширилди. Бугунги кунда Таҳоеънинг чегирмали нархи 1,039 млрд сўмни ташкил қилади.

Эслатиб ўтамиз, Мадримов 8-март куни Саудия Арабистонида WБА чемпионлиги учун аввал мағлуб бўлмаган россиялик боксчи Магомед Қурбонов устидан муддатидан аввал ғалаба қозонганди.

• Бокс
• Исроил Мадримов
• Саудия Арабистони