Тошкент вилояти ҳокими Зоир Мирзаевнинг таъкидлашича, чарм билан ишлайдиган 50 дан ортиқ ва 35 дан зиёд тўқимачиликка ихтисослашган корхона Тошкент шаҳри экологиясига катта зарар етказмоқда. Ҳоким ана шу корхоналарни чеккароқ ҳудудларга кўчириш хусусида тўхталиб ўтди.

“Оҳангарон туманида бир неча йилдан бери ечимини топмаган муаммо бор эди. Яъни 15 гектар эга у ер чарм кластерига ажратилган. Коммуникацияга маблағ бўлмаганлиги сабаб ишга тушмаган эди.

Президент қарори билан у ерга яна 20 гектар ер қўшиб берилди. Энди умумий 35 гектар ерга Тошкент шаҳридан 50 дан зиёд терини қайта ишловчи корхоналар кўчирилмоқда. Янгилик бўлмоқдаки, Тошкент шаҳри ҳокимияти учун 168 гектар ер майдонини Ангрен шаҳридан ёки Оҳангарон сув омборининг атрофидан ажратиб бердик.

Улар Туркиянинг компанияси билан лойиҳа қилган ҳолда ўша жойда энг камида 700 иш ўрни таъминланадиган ва ўз ичига меҳмонхона, капсула уйлари қурилиб, камида 600 нафар туристни қабул қиладиган масканга айлантиради. Энг асосийси, бу ерда шаҳарнинг экологик зонаси ташкил бўлади.

Худди шу тажрибани Паркент ва Бўстонлиқда қўллаш бўйича ҳам таклифлар келмоқда” - деди Зоир Мирзаев.

• Давлат экология қўмитаси
• Экология
• Zoir Mirzayev
• korxona