Футзал бўйича Ўзбекистон миллий терма жамоаси ўзининг навбатдаги ўқув-машғулотлари йиғинига киришди.

Пойтахтимиздаги “Юнусобод” спорт мажмуасида давом этаётган қизғин йиғин бир неча кундан кейин Қирғиз Республикаси пойтахти Бишкек шаҳрида бўлиб ўтадиган Осиё Кубоги саралаш босқичи учун сўнгги тайёргарлик вазифасини ўтаб беради.

Мураббийлар штаби йиғинга жалб этилган ҳар битта ўйинчи билан ҳам жамоавий, ҳам индивидуал тарзда ишламоқда. Йигитларнинг жисмоний тайёргарлигини оптимал тарзда ушлаб турувчи жисмоний юкламалар берилмоқда. Турли комбинациялар, ўйин амалиётини кучайтириш юзасидан интенсив машғулот олиб бориляпти.

Йиғин давомида Япония терма жамоаси билан ўртоқлик учрашуви ҳам ўтказилиши режалаштирилган. Назорат-кўрик ўйини 16 сентябрь куни “Юнусобод” спорт мажмуасида соат 17:00 да бошланади.

• Футзал
• Mashg'ulot
• Спорт
• yig'ilish