Тошкент шаҳрининг Чилонзор туманида 12 сентябрь куни Spark ЙПХ автомашинасини уриб, ағдариб юборди. Автомобилларнинг ЙТҲдан кейинги ҳолати акс этган видеолар ижтимоий тармоқларда тарқалди.

Пойтахт ЙҲХБ матбуот хизматининг маълум қилишича, воқеа соат 00:45 ларда Чилонзор тумани Бунёдкор кўчасида содир бўлган. Ҳайдовчилик гувоҳномасига эга бўлмаган 17 ёшли Б.Ж. Спаркъни давлат рақам белгиларисиз бошқариб келаётиб ўз йўналишини Чўпон ота кўчасига ўзгартириб, 3-қатордан 1-қаторга кескин бурилиб ҳаракатни ўнгга бурган.

Оқибатда ўз йўналишида 1-қаторда ҳаракатланиб келаётган ЙПХ ходими бошқарувида бўлган Lacetti хизмат автомашинаси билан тўқнашган. Ижтимоий тармоқларда тарқалган видеолардан зарб натижасида ЙПХ автомобили ағдарилиб кетгани, Spark эса дарахтга бориб урилгани кўринган.

Расмий хабарда қайд этилишича, ҳодиса сабаб оғир тан жароҳат олганлар йўқ. Ҳайдовчиларга биринчи тез тиббий ёрдам кўрсатилган. Айни пайтда суриштирув ишлари олиб борилаётгани бидирилган.

• Chilonzor
• Тошкент