Ҳуқуқни муҳофаза қилувчи идоралар ва Фармацевтика маҳсулотлари хавфсизлиги маркази мутахассислари ҳамкорлигида Қашқадарё вилоятида психотроп дори воситаларининг ноқонуний савдосига қарши ўтказилган тезкор тадбирларда соҳага доир бир қатор қонунбузарлик ҳолатлари аниқланди.
Жумладан, Қарши шаҳридаги “Nika farm servis” МЧЖга тегишли дорихонада 160 дона «Zardeks» номли кучли таъсир қилувчи дори воситаси, «ISLOM-farm-MEDIKAL» МЧЖга тегишли дорихонада 50 дона таблеткадан иборат «Gabaten» номли кучли таъсир қилувчи дори воситаси ноқонуний равишда сотилганлиги аниқланиб, мазкур дорихоналар ходимлари ашёвий далиллар билан ушланди.
Ушбу ҳолатлар юзасидан ҳозирда Жиноят кодексининг тегишли моддалари билан жиноят ишлари қўзғатилган бўлиб, тергов ҳаракатлари ўтказилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!