Шимолий Корея етакчиси Ким Чен Ин билан учрашувда Россия президенти Владимир Путин КХДРни биринчи бўлиб СССР тан олганини таъкидлади. У КХДРнинг Корея урушидаги ғалабасининг 70 йиллигини муҳим сана деб атади ва СССР ўз вақтида Шимолий Кореяга катта ёрдам берганини алоҳида эслаб ўтди.

Бунга жавобан, Ким Чен Ин “КХДР империализмга қарши курашда доим Россия билан бирга бўлади”, деди. Шунингдек, КХДР етакчиси Россия энди ўз давлат суверенитетини ҳимоя қилиш ва хавфсизлигини таминлаш учун ҳаракат қилаётганини айтиб, бу борада Россиянинг ёнида бўлишини таъкидлади.

“Россия билан муносабатлар КХДР учун биринчи ўринда туради. Биз Россия Федерацияси билан муносабатларни янада ривожлантиришни истаймиз, биз ҳар доим Путин ва Россия ҳукуматини қўллаб-қувватлаб келганмиз”, – деди у.

• Kim Chen In
• Путин
• Россия
• СССР