Тошкент шаҳри Учтепа туманида юз берган ёнғинни ўчириш вақтида Фавқулодда вазиятлар вазирлиги Махсус қутқарув баталёни гуруҳ командири, капитан Бобурмирзо Пардаев фожиали тарзда ҳалок бўлди.

Бобурмирзо Пардаев сафдошлари билан бирга ёнаётган уйдан одамларни олиб чиқиш жараёнида етти кишининг ҳаётини сақлаб қолди. Бироқ қутқарув ишлари вақтида том қисмининг тўсатдан қулаб тушиши оқибатида у оғир жароҳатланиб, ҳаётдан кўз юмди.

Қаҳрамон қутқарувчининг жасорати ва фидойилиги туфайли етти инсон ҳаёти сақлаб қолинди. Унинг сўнгги лаҳзагача ўз вазифасига содиқ қолиб, одамлар ҳаётини ўз хавфсизлигидан устун қўйгани юксак жасорат намунасидир.

Бобурмирзо Пардаевнинг оила аъзолари ва яқинларига, дўстлари ҳамда барча сафдошларига чуқур ҳамдардлик билдирамиз.

Қаҳрамонимизнинг охирати обод бўлсин. Жойлари жаннатдан бўлсин.