Швейсария суди Гулнора Каримова бўйича ишни якунлади, Lombard Odier банки жаримага тортилди

Швейсария суди Ломбард Одиэрни пул ювишнинг олдини олиш бўйича зарур чораларни кўрмагани учун 3 миллион Швейсария франки (3,68 миллион доллар) миқдорида жаримага тортди. Шу билан бирга, Гулнора Каримовага нисбатан Швейсариядаги суд жараёни тўхтатилди.

Прокуратура маълумотларига кўра, Каримова 2005–2013 йиллар оралиғида Швейсариядаги банк ҳисоб рақамларига юзлаб миллион доллар ўтказган ва “Оффиcе” номи билан аталган жиноий тузилмани бошқарганликда гумон қилинган.

Суд қарорига биноан, Ломбард Одиэр пул ювишга қарши барча зарур ташкилий чораларни кўрмагани учун жавобгар деб топилди. Шунингдек, 400 миллион Швейсария франкидан ортиқ активларни мусодара қилиш ҳақида қарор чиқарилди.

Банкнинг собиқ ҳисоб менежерига эса 24 ойлик шартли қамоқ жазоси тайинланди.

Ломбард Одиэр баёнотида иш банкнинг ўзи 2012 йилда Швейсария расмийларига шубҳали операциялар ҳақида хабар берганидан кейин бошланганини билдириб, суд қарори устидан шикоят қилиши маълум қилинди.

Маълумот учун, Ўзбекистонда Гулнора Каримова турли жиноятлар, жумладан фирибгарлик, пул ювиш, талон-торож ва бошқа айбловлар бўйича бир неча бор судланган. 2020 йилда у 13 йил 4 ой муддатга озодликдан маҳрум этилган.