31°
Кечаси 18°
Суд қарорига мувофиқ, собиқ президент Алмазбек Атамбаевнинг мол-мулки, жумладан, Қўй-Тошдаги уй мусодара қилинди.
Қирғизистон Давлат мулкини бошқариш агентлиги маълум қилишича, суд қарори асосида собиқ президент Алмазбек Атамбаевнинг оиласи яшаб келган Чуй вилоятининг Аламудин туманига қарашли Қўй-Тош қишлоғидаги уй ва ер майдони давлат тасарруфига қайтарилган. Собиқ президент Алмазбек Атамбаевнинг оиласи Қўй-Тош қишлоғидаги уйидан мажбуран чиқариб юборилмоқда.
Агентликка кўра , эндиликда ушбу ҳудудда қариялар уйи ва болалар боғчаси қурилиши режалаштирилган.
Маълумот учун, 2025 йил 3 июнь куни Бишкек шаҳрининг Биринчи Май туман суди Алмазбек Атамбаев (Қирғизистоннинг 2011–2017 йилларда давлат раҳбари)ни 11 йил 6 ой муддатга озодликдан маҳрум қилиш ҳақидаги ҳукмни эълон қилган. Шу билан бирга, суд қарорига кўра, собиқ президентнинг бир қатор мол-мулклари, жумладан Қўй-Тошдаги уйи мусодара қилиниб, давлат мулкига ўтказилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
