Владимир Зеленский ўзининг Telegram каналида ёзишича, Исроил Россиянинг янги ҳудудларидан дон импорт қилган. Шу сабабли Украина президенти уларга санкциялар билан таҳдид қилди.

“Ушбу турдаги донни ташиётган яна бир кема Исроил портига етиб келди ва юк туширишга тайёргарлик кўрмоқда. Бу соф бизнес эмас ва бўлиши ҳам мумкин эмас. Исроил расмийлари мамлакат портларига қайси кемалар ва қандай юклар келаётганидан бехабар бўлиши мумкин эмас”, – деб таъкидлайди Киев режими раҳбари.

Унинг сўзларига кўра, Киев “шунга ўхшаш ҳолатлар”нинг олдини олиш учун бир қатор чораларни кўрган.

“Украина бизнинг разведка маълумотларимизга асосланиб, ушбу донни бевосита ташийдиганларни ҳам, ундан фойда олишга ҳаракат қилаётган жисмоний ва юридик шахсларни ҳам қамраб олувчи тегишли санкциялар пакетини тайёрламоқда. Шунингдек, биз тегишли шахслар санкциялар режимига киритилишини таъминлаш учун европалик ҳамкорларимиз билан мувофиқлаштирамиз”, – деб ёзган Зеленский.

Бир кун олдин Axios мухбири Барак Равид Хайфа портидаги Панормитис кемасида гўёки янги Россия ҳудудларидан буғдойни тушириш Киев ва Тел-Авив ўртасидаги муносабатларда инқирозга олиб келиши мумкинлигини хабар қилган эди. Ўша куни кечқурун Украина Ташқи ишлар вазирлиги Исроил элчисини чақириб, унга норозилик нотасини топширган.

• Binyamin Netanyaxu
• Буғдой
• Импорт
• Isroil
• Россия
• Украина
• Зеленский