Тожикистоннинг Хўжанд шаҳрида жорий йилнинг 31 март куни Қирғизистон, Тожикистон ва Ўзбекистон президентлари иштирокида тарихда илк бор уч томонлама саммит бўлиб ўтиши белгиланган. Бу ҳақда Қирғизистон Вазирлар Маҳкамаси раиси ўринбосари маълум қилмоқда.

Шунингдек, Байсалов ўз нутқида Қирғизистон ва Тожикистон ўртасидаги давлат чегараси чизиғи узил-кесил келишилганини айтиб, бу воқеани “дипломатия ва сиёсий ироданинг тарихий ғалабаси” деб атаган. Қирғизистон Вазирлар Маҳкамаси раиси эришилган келишув Садир Жапаровнинг “минтақада тинчлик ва барқарорликни таъминлаш йўлидаги тинимсиз саъй-ҳаракатлари” туфайли амалга ошганини ҳам таъкидлаган.

Белгиланган учрашувда уч мамлакат етакчилари Марказий Осиёда хавфсизлик, барқарорлик ва фаровонликни таъминлашга қаратилган ҳамкорликнинг асосий масалаларини муҳокама қилиши кутилмоқда.

• Қирғизистон
• Шавкат Мирзиёев
• Сиёсат
• Тожикистон
• uchrashuv