Лондонда қиролича Елизавета II билан фуқароларнинг видолашув маросими ўз якунига етди. Лондон вақти билан соат 11:00 да Вестминстер аббатлигида диний маросими бўлиб ўтади ва ундан кейин қиролича Виндзорга дафн этилади.
Ушбу маросим Лондондаги сўнгги 10-йилликнинг энг йирик тадбири дея эътироф этилмоқда. Дафн маросимига АҚШ президенти Жо Байден ва унинг рафиқаси, Франция ва Ҳиндистон раҳбарлари Эммануел Макрон ҳамда Дроупади Мурму ҳам ташриф буюрганлар.
Диний расм-русумлардан сўнг қироличанинг тобути Виндзорга олиб кетилади. Сўнгра Лондон вақти билан 19:30 да 800 киши иштирокидаги дафн маросими бўлиб ўтади. Елизавета II Авлиё Георгий капелласига, марҳум эри Филиппнинг ёнига дафн этилади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!