Шимолий Қозоғистон аҳолиси минус 380 даража совуқ ҳақида СМС-хабар олди. Маълум бўлишича, техник хатолик сабаб градус белгиси 0 рақамига айланиб қолган ва шундай вазият юзага келган.

112 қисқа рақамидан келган хабарномада 8 декабрь куни 380 даража совуқ ҳарорат кузатилиши ва мактабларда дарслар бекор қилиниши ёзилган.

Кейинроқ Фавқулодда вазиятлар вазирлиги техник хатолик юз берганини тан олиб, 0 рақамини градус белгисига алмаштирган.

Маълумот учун: 9-11 декабрь кунлари республиканинг аксарият ҳудудларида минус 43 даражагача совуқ бўлиши кутиляпти.

• Қозоғистон