Ақтўбе шаҳридаги пенсионерлар энди жамоат транспортида бепул юради. Ҳозирда ҳужжатни тасдиқлаш учун таклиф киритилган. Бу ҳақда “Казинформ” хабар берди.

Ақтўбе вилоятида уруш қатнашчилари ва 1-гуруҳ ногиронлари автобусда бепул юриш ҳуқуқига эга. Эндиликда бошқа тоифадаги ногиронлар ва пенсионерлар ҳам бепул юришлари мумкин бўлади. Бу ҳақда Ақтўбе вилояти ҳокими Асхат Шахаров маълум қилди.

– “Ҳозир жамоат транспорти яхши ривожланмоқда. Яқинда 30 та автобус олиб келинди. Яна 4 та муассаса 65 та автобус сотиб олиш учун ариза топширган. Шундай қилиб, бизда транспорт соҳасида 90-95 фоиз замонавийлашган шароит яратиш имконияти мавжуд. Бунгача фақат айрим тоифадаги одамлар бепул юриш имконигаэга эди. Эндиликда ногирон фуқаролар ва пенсионерлар жамоат транспортида бепул юришлари мумкин бўлади. Бу бюджет томонидан қопланади. Тез орада шаҳар ҳокимлиги текширув ўтказиб, тегишли ҳужжатларни тартибга солади”, - деди у.

• Ногиронлик
• Қозоғистон
• pensioner