Клублар ўртасидаги Жаҳон чемпионати 1/8 финал босқичи доирасидаги “Бенфика” — “Челси” учрашуви якунига етди. Қизиқарли ва голларга бой кечган беллашувда лондонликлар 4:1 ҳисобида ғалаба қозониб, чорак финал йўлланмасини қўлга киритди.

Учрашувнинг 64-дақиқада ҳисоб очилди. Гол муаллифи лондонликлар ҳимоячиси Рис Жеймс бўлди. Баҳснинг 90+5-дақиқада эса Анхел Ди Мария пенальтидан гол уриб, мувозанатни тиклади 1:1. Натижада ўйин қўшимча бўлимларга чўзилди.

108-дақиқада Кристофер Нкунку “Челси”нинг иккинчи голини киритди. 114-дақиқада эса Педру Нету ҳисобни 3:1 кўринишига олиб келди. Орадан уч дақиқа ўтиб, Кирнан Дюсбери-Ҳол тўртинчи голга муаллифлик қилиб, “аристократлар”нинг йирик ҳисобдаги ғалабасини таъминлади.

• Челси
• Клублар ўртасида Жаҳон чемпионати