Америкалик рэпер 50 Cent (асли исми Кертис Жексон) “Paramount+” студияси билан ҳамкорликда криминал сериал суратга олади. Сериалга “Vice City” дея ном бериш режалаштирилган.

Маълумотларга кўра, сериалда ўтган асрнинг 80-йилларидаги воқеалар акс эттирилади. 3 нафар аскар Эронга ноқонуний йўллар билан қурол-яроғ етказиб бериш операциясига алоқадорлиги туфайли қуролли кучлар сафидан ҳайдаб юборилади ва улар она ватани – Майамига қайтади. Собиқ аскарлар колумбиялик муҳожир билан ҳамкорлик қилиб, жиноий гуруҳ ташкил этишади.    

Сериал сценарийси устида “Transformers: Rise of the Beasts” лойиҳаси орқали кўпчиликка таниш бўлган Дарнелл Метайер ва Жош Питерс иш олиб бормоқда. Сериалнинг қачон тақдим этилиши эса ҳозирча очиқланмаган.

• Кино
• Сериал
• машҳурлар