АҚШнинг CНН, Политиcо ва МС НОW нашрлари журналистларининг Оқ уйга кириши чеклангани ортидан Президент Доналд Трамп ва унинг администратсиясидаги уч нафар юқори лавозимли амалдорга қарши федерал судга даъво аризаси киритди. Бу ҳақда Политиcо хабар берди.

Нашрларнинг таъкидлашича, Оқ уйнинг журналистлар аккредитатсиясини бекор қилиши АҚШ Конститутсиясининг Биринчи тузатишида кафолатланган матбуот эркинлигига зид. Улар журналистларининг Оқ уйга кириш ҳуқуқини тиклашни талаб қилмоқда.

ОАВларнинг қўшма баёнотида айтилишича, Оқ уй журналистларнинг аккредитатсиясини олдиндан огоҳлантирмасдан ва тегишли протседураларга риоя қилмасдан бекор қилган. Нашрлар бу қарор уларнинг репортажларига билдирилган эътирозлар билан боғлиқ деб ҳисоблайди.

Даъвогарлар Вашингтондаги АҚШ округ судидан администратсиянинг ҳаракатларини конститутсияга зид деб топишни ҳамда уларнинг ижросини тўхтатишни сўраган.

Даъвода Трампдан ташқари Оқ уй аппарати раҳбари Сюзи Уайлс, коммуникатсиялар бўйича директор Стивен Ченг ва АҚШ Махфий хизмати директори Шон Карран ҳам жавобгар сифатида кўрсатилган.

Маълумот учун, 18-сентабр куни Трамп CНН, МС НОW ва Политиcо мухбирларининг Оқ уйга киришини чеклашини маълум қилган. Президент бунга мазкур нашрлар тарқатаётган хабарларни танқид қилган ҳолда изоҳ берган.

Кейинги куни учала нашр журналистлари Оқ уйга киритилмаганини маълум қилган. Шундан сўнг Трамп ижтимоий тармоқдаги саҳифасида CНН, МСНБC ва Политиcо логотиплари туширилган ахлат халталари тасвирини ҳам эълон қилган.