Шу кунларда Осиё чемпионлар лигасининг сўнгги тур учрашувлари ўтказилмоқда. Кеча, 4 декабрь Ўзбекистоннинг 2 жамоаси «Навбаҳор» ва «Насаф» кейинги босқич йўлланмасини қўлга киритди.

Бугун “Ал-Файҳа” билан ўйинда эса «Пахтакор» жамоасининг тақдири ҳал бўлади. Нимчорак финал босқичига қуръа ташлашдан аввал жамоалар иккита саватга ажратилади. Биринчи саватдан гуруҳ ғолиблари ўрин олади, улар орасида энг ёмон натижа қайд этган клуб иккинчи саватга жойлаштирилади. Айнан «Насаф» иккинчи саватчадан ўрин оладиган бўлди. Натижада Рўзиқул Бердиев жамоаси нимчорак финалда гуруҳ ғолиби бўлган жамоа билан тўқнаш келади. Демак, биринчи саватдан «Ал-Ҳилол», «Ал-Наср», «Ал-Иттиҳод» ва “Ал-Аин” жамоалари жой олади. Иккинчи саватдан эса «Насаф», «Навбаҳор» жамоалари билан бирга иккинчи ўрин учун курашаётган жамоалар “Персополис”, «Пахтакор», “Ал-Файҳа”, «Ал-Садд» ўрин олиши мумкин.

Бугун кейинги босқичга йўл оладиган кейинги жамоа номи маълум бўлади. Шунингдек, нимчорак финалда битта гуруҳдан жой олган иккита жамоа бир-бирига тўқнаш келмайди. Шу сабабли «Насаф», «Навбаҳор» финалда «Ал-Ҳилол»га рақиб бўлмайди.

Наманганликлар «Ал-Наср», «Ал-Иттиҳод» ёки “Ал-Аин” билан тўқнаш келиши мумкин. Роналду Ўзбекистонга келадими? «Ал-Наср»нинг нимчорак финалда юртимизга келиш эҳтимоли ҳозирча 50 фоизга тенг. Агар «Пахтакор» плей-оффга чиқса, бу кўрсаткич 75 фоизга ортади. Осиё чемпионлар лигасининг нимчорак баҳсига қуръа ташлаш маросими 28 декабрь куни бўлиб ўтади.

• Футбол
• Роналду