Coca-Cola Hellenic Bottling Company (Coca-Cola HBC) Россияда ишлаб чиқаришни, шунингдек, Coca-Cola бренди остидаги ичимликлар савдосини тўхтатишга қарор қилди. Бу ҳақда расмий баёнотга таяниб, “Reuters” хабар бермоқда.

Қайд этилишича, компания заҳиралари тугагач, Россияда Coca-Cola ёки бошқа брендларини ишлаб чиқармайди ва сотмайди.

Маълумот учун, Coca-Cola корхонасида Fanta, Sprite, Powerade, Schweppes, Burn, BonAqua water, Dobry, Pulpy, Rich, Moya Semya, Innocent ва бошқа маҳсулотлар ишлаб чиқарилади. Хусусан, компаниянинг ўнта заводи Россияда жойлашган: Москва шаҳри, Москва вилояти, Санкт-Петербург, Самара, Екатеринбург, Ростов вилояти, Новосибирск, Красноярск ва Владивостокда.

Таъкидлаш жоиз, март ойининг бошида Coca-Cola Россиянинг Украинадаги жанговор ҳаракатлари туфайли мамлакатда вақтинча фаолиятини тўхтатаётганини эълон қилган эди.

• Coca-Cola
• Жаҳон
• Москва
• Россия
• korxona va tashkilotlar