Германия Мудофаа вазири Борис Писториус бу ҳақда, Fumkr медиа гуруҳига берган интервьюсида айтиб ўтган.

“Агар биз таҳдидни фақат ноқулайлик туғдираётгани учун эътиборсиз қолдирадиган бўлсак, у кичраймайди, аксинча катталашади”, – дея огоҳлантирган.

Писториуснинг таъкидлашича, Россия президенти Владимир Путин ўз мамлакати иқтисодини уруш ҳолатига мослаб қўйган ва энди Россия бир неча ой ичида Европа Иттифоқининг барча мамлакатлари бир йил ичида ишлаб чиқарадигандан кўра кўпроқ қурол ва ўқ-дориларни ишлаб чиқара олади.

“2029 ёки 2030 йилга келиб, Путин ўз армиясини шунчалик кучайтириши мумкинки, бунинг натижасида Россия НАТОга зарба бера олади”, – дея фикр билдирди Германия Мудофаа вазирлиги раҳбари. 

Унинг сўзларига кўра, яқин йилларда Россия альянс ҳудудининг исталган қисмига бостириб кириш орқали НАТОнинг ҳамжиҳатлигини синаб кўришга уриниши мумкин.

Писториус, шунингдек, Путин Россиясидан Германияга гибрид таҳдидлар, жумладан, инфратузилмага ҳужумлар ва ҳаво ҳудудининг бузилиши ҳақида огоҳлантирган.

• Путин
• Россия
• Yevropa Ittifoqi
• hujum