Маълумотларга кўра, Россиянинг Краснодар вилоятида “Вагнер” гуруҳининг собиқ раҳбари Евгений Пригожинга ҳайкал қўйилди. Бу ҳақда “The Moscow Times” нашри хабар берди.

Манбага кўра, Россиянинг жанубидаги Краснодар ўлкасида “Вагнер” ёлланма гуруҳининг марҳум асосчиларидан Евгений Пригожин ва Дмитрий Уткин ҳайкали очилган. Ёдгорликнинг расмий очилиши 5 апрель куни бўлиб ўтган.

“Вагнер”нинг Telegram каналида айтилишича, ҳайкал Горячий Ключ курорт шаҳарчасидаги ёлланма аскарлар гуруҳи ибодатхонаси олдида ўрнатилган.

“Вагнер” ва унинг жангчилари Пригожин Россия ҳарбий раҳбариятига қарши қўзғолон содир этганидан кейин Россия қуролли кучлари назорати остидаги бўлинмаларга ўтказилган эди. Собиқ раҳбар Евгений Пригожиннинг ўзи эса август ойида яқин шериклари билан Кремль томонидан уюштирилган самолёт ҳалокатида вафот этган.

Шунингдек, Горячий Ключ муниципал ҳокимияти дастлаб Россия оммавий ахборот воситаларига ҳайкални ўрнатишга рухсат берилмаслигини маълум қилган. Кейинчалик бу қарор ўзгартирилгани айтилган.

• Prigojin
• Путин
• Россия