Россиянинг Владикавказ шаҳридаги Московское шосседа жойлашган “Аланиа Mall” савдо марказида портлаш ва ёнғин содир бўлди.

“Мен “Аланиа Mall” савдо маркази ҳудудига бордим, ёнғин содир бўлган жойда тезкор штаб жойлаштирилди, ҳуқуқ-тартибот идоралари ходимлари ва қутқарув хизматлари ишламоқда”, – дейди Шимолий Осетия губернатори Сергей Меняйло.

Қайд этилишича, ёнғин майдони 800 квадрат метрни ташкил этган. Ушбу ёнғин оқибатида бир киши ҳалок бўлган, тўққиз киши яраланган.

Дастлабки маълумотларга кўра, савдо марказидаги фавқулодда ҳолатга озиқ-овқат кортидаги газ баллонининг портлаши сабаб бўлган бўлиши мумкин.

• Россия
• ёнғин