Сурия Ташқи ишлар вазири Ас'ад аш-Шайбоний янги Суриянинг фуқаролари этник ёки диний таркибидан қатъи назар тенг ҳуқуқли бўлишларини таъкидлади. “Биз адолатсизлик ва зулм саҳифасини ёпамиз. Ҳар бир сургун қилинган киши ўз юртига хотиржам қайтиши мумкин”, – деган вазир.

“Бизнинг мақсадимиз барча фуқароларнинг ҳуқуқ ва манфаатларини ҳимоя қилишдир. Сурия минтақадаги асосий ўйинчи бўлиш учун минтақавий ва халқаро ролига қайтади”, – дея қўшимча қилган у.

Шунингдек, Ас'ад аш-Шайбоний уруш пайтида содир этилган шафқатсизликлардан қайғуда эканлигини билдирган.

“Одамларнинг ўлими акс этган фотосуратлар бизни ҳайратда қолдирди. Биз адолатни истаймиз ва айбдорларни қонуний тартибда жавобгарликка тортамиз”, – дея таъкидлаган у жиноятчилар жазоланишига ишонтириб.

Вазирнинг таъкидлашича, Суриянинг янги ҳукумати ҳалок бўлган шаҳидлар хотирасига содиқ қолади. Маҳбуслар ва қийноқ остида ҳалок бўлганларнинг васиятларини ҳурмат қилади.

• Suriya
• Tashqi ishlar vazirligi