Руминия Ғазо секторига озиқ-овқат ва кўрпа-тўшак кўринишидаги инсонпарварлик ёрдами юборади. Бу ҳақда ҳукумат сайтида хабар берилди.

“Яқин шарқдаги хавфсизлик вазиятини, Ғазо секторидаги гуманитар инқирозни ҳам ҳисобга олиб, Руминия давлати жабрланган тинч аҳолини қўллаб-қувватлаш учун доимий мониторинг чораларини кўрди. Қарорга кўра, фуқароларга бепул халқаро ёрдам кўрсатилади. Ғазо секторидаги тинч аҳоли жабр кўрди”, дейилади хабарда.

Ғазо секторида қурбонлар сони 3785 кишига етди, улардан 1524 нафари болалар ва 1000 нафари аёллар, деб хабар берди Ғазо Соғлиқни сақлаш вазирлиги. Исроилда, маҳаллий ҳокимият маълумотларига кўра, 1300 дан ортиқ одам ҳалок бўлган.

Турли манбаларга кўра, ХAMAC 150 га яқин исроилликни асирда ушлаб туриши мумкин. Ҳаракатнинг ўзи Ғазо секторида 200-250 га яқин маҳбус борлигини маълум қилган.

• Фаластин
• Isroil
• Руминия