4 октябрь куни Ҳиндистоннинг Сикким шаҳридаги Теэста дарёси бўйидаги сел оқибатида камида 14 киши ҳалок бўлган ва 100 дан ортиқ одам бедарак йўқолган. Бугун, 5 октябрь куни Ҳиндистон шимоли-шарқида йўқолган одамларни қидириш ва қутқариш операцияси бошланган. Бу ҳақда штат ҳукумати маълум қилди.

Штат бўйлаб тўфондан жабр кўрган 2000 дан ортиқ одам эвакуация қилинган ва ёрдам лагерлари ташкил этилган.

Ҳукуматнинг таъкидлашича, сув тошқини оқибатида камида 11 та кўприк қулаган ва бу қутқарув ишларига тўсқинлик қилмоқда.

Маълумотларга кўра, сел оқибатида Сикким штатининг Пакёнг шаҳри энг кўп зарар кўрган. Шаҳарда сув тошқини оқибатида етти киши ҳалок бўлган ва 59 киши бедарак йўқолган. Шунингдек, Штат пойтахти ва энг йирик Гангток шаҳрида уч киши ҳалок бўлган, 22 киши бедарак йўқолган.

Йўқолганлар орасида Ҳиндистон армиясининг ўнлаб аъзолари ҳам бор. Аскарларни топиш учун қидирув-қутқарув операцияси бошланган. Чоршанба куни кечқурун бир аскар қутқариб олинди, бироқ армия маълумотларига кўра, яна 22 нафари бедарак йўқолган. Уринишларга тўхтовсиз ёмғир ва сув тошқинлари тўсқинлик қилмоқда.

• Ҳиндистон
• Сел