Шимолий Корея чегара орқали Жанубий Кореяга чиқинди ва гўнг солинган 150 дан ортиқ шарларни юборди. Бу ҳақда, “Yonhap” хабар берди.

Жанубий Корея ҳарбийларининг сўзларига кўра, шарлар 28-май куни кечқурун чегарани кесиб ўтишни бошлаган ва мамлакатнинг турли жойларига тушган. Улар шарлар ичида пластик бутилкалар, батареялар, поябзал қисмлари ва ҳатто гўнг борлигини таъкидладилар.

“Шимолий Кореянинг бу ҳаракатлари халқаро ҳуқуқни аниқ бузади ва халқимиз хавфсизлигига жиддий таҳдид солади. Биз Шимолий Кореяни ғайриинсоний ва қўпол ҳаракатларини дарҳол тўхтатиш ҳақида қаттиқ огоҳлантирамиз”, – деди Сеулнинг Қўшма штаб бошлиқлари.

• Janubiy Koreya
• Shimoliy Korea