Бош прокуратура ҳузуридаги Департаментнинг Тошкент вилояти бошқармаси томонидан Ангрен шаҳрида ўтказилган тезкор тадбирда ноқонуний дори воситалари савдоси билан шуғулланиб келган фуқаро А.А. умумий қиймати 132,4 млн сўмлик 6 турдаги сифатини тасдиқловчи ҳужжатлари бўлмаган дори воситалари ҳамда тиббиёт буюмларини фуқаро И.Я.га 8 800 АҚШ долларига сотган вақтида ашёвий далиллар билан ушланган. Бу ҳақда Прокуратура Департаменти маълум қилди.

Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш, дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилган.

Ҳозирда тергов ҳаракатлари олиб борилмоқда.

• Прокуратура
• Toshkent viloyati