Qustodio компаниясининг янги тадқиқотига кўра, болалар 2023 йилда ТiкТоk’да кунига ўртача 112 дақиқа вақт сарфлаган бўлса, YouTube’да бу кўрсаткич 107 дақиқани ташкил этган бўлиб, бу қисқа шаклдаги видеолар тобора оммалашиб бораётганидан дарак беради.

Тадқиқот шуни кўрсатдики, ўтган йили болаларнинг 60 фоизи ОpenAI’нинг ChatGPT сайтига ташриф буюрган ва бу йилнинг энг кўп ташриф буюрилган 18-сайтига айланди. Бу шуни кўрсатадики, болалар сунъий интеллект (АI) билан ишлайдиган воситалар билан ишлашга тобора кўпроқ қизиқиш билдирмоқда, деб ёзади тадқиқотчилар.

Ижтимоий тармоқларнинг ёшларга таъсири ҳақидаги хавотирлар ортиб бораётганига қарамай, ТikTok бутун дунё бўйлаб болалар орасида энг машҳур ижтимоий илова бўлиб қолмоқда, дунё болаларнинг 44 фоизи ундан фойдаланмоқда. Машҳурлик бўйича иккинчи ўринда YouTubе жой олди - ундан болаларнинг 38 фоизи фойдаланади.

Хабар алмашиш иловалари ҳақида гап кетганда, WhatsApp энг оммабоп бўлиб қолмоқда, ундан бутун дунё бўйлаб болаларнинг 37 фоизи фойдаланади.

Roblox энг машҳур ўйин иловаси бўлиб, бутун дунё бўйлаб болаларнинг 48 фоизи кунига ўртача 130 дақиқа ишлатади.

• Болалар
• TikTok
• YouTube
• статистика