Мамлакат Соғлиқни сақлаш вазирлигининг маълум қилишича, 1 ноябрдан бошлаб Малдив оролларида бутун бир авлод учун тамаки тақиқи кучга кирди. Янги қоидага кўра, 2007 йил 1 январь ёки ундан кейин туғилганларга Малдив оролларида ҳар қандай тамаки маҳсулотларини сотиб олиш, истеъмол қилиш ёки сотиш тақиқланади. Шу йўл билан чекишдан холи авлодни шакллантириш кўзланмоқда.

Малдив Соғлиқни сақлаш вазирлигига кўра, ушбу тақиқ мамлакатга ташриф буюрувчи хорижликларга ҳам тааллуқли.

Вояга етмаганларга тамаки сотиш 50 минг руфий (тахминан 2800 евро), электрон сигареталардан фойдаланиш эса 5 минг руфий (280 евро) миқдорида жарима билан жазоланади.

Бунга ўхшаш тақиқни биринчи бўлиб Янги Зеландия жорий этган эди, аммо бир йилдан камроқ вақт ўтгач, мамлакатнинг янги ҳукумати солиқларни камайтириш имконияти учун бюджетга пул олиш мақсадида чекловларни бекор қилганди. Тамакини чеклаш бўйича меъёрлар ҳозирда Буюк Британияда ҳам ишлаб чиқилмоқда.

• Maldiv
• Тамаки
• тақиқ