Сурхондарё вилоятида гиёҳвандлик моддалари савдоси билан шуғулланиб келган фуқаролар қўлга олинди. Бу ҳақда Ички ишлар матбуот хизмати хабар берди.

Жорий йил 5 январь куни, Сурхондарё вилояти ТХТБ ходимларига шахсини сир сақлашни илтимос қилган фуқаро ариза билан мурожаат қилган. Фуқаро ўз аризасида, “Б” исмли шахс жиноий шериклари билан темир йўл излари яқинида гиёҳвандлик моддаларини сотиш ва тарқатиш билан шуғулланиб юрганлиги ҳамда уларни қўлга олишда яқиндан ёрдам беришини билдирган.

Аризага асосан, шу куни тезкор-қидирув тадбирлари ўтказилган. Натижада 2002 й.т. Термиз шаҳар, “Темир йўлчи” маҳалласида яшовчи Н.Б. “шартли харидор”га, Термиз темир йўл логистика маркази ҳовлисида, 4,02 грамм “гашиш” гиёҳвандлик моддасини 1.500.000 сўмга сотаётган вақтида ушланган.

Шундан сўнг фуқаро Н.Б. розилиги асосида тезкор-қидирув тадбири давом эттирилиб, шу куни 2000 й.т. Термиз шаҳар, Рўдакий кўчасида яшовчи, фуқаро Ж.Ж. ўзининг яшаш хонадони олдида, Н.Б.гa 2 грамм “гашиш” гиёҳвандлик воситасини сотмоқчи бўлган вақтида ушланган.

Тадбир давомида, Ж.Ж.нинг яшаш хонадони кўздан кечирилганда унинг яшаш хонадонидан 9.35 грамм, ҳамда унинг спорт кийими ўнг чўнтагида 0.28 грамм “гашиш” гиёҳвандлик воситаси борлиги аниқланиб, холислар иштирокида ҳужжатлаштириб олинган.

Мазкур ҳолат бўйича Ўзбекистон Республикасининг Жиноят Кодексининг 273-моддаси 5-қисми билан жиноят иши қўзғатилган.

• Chakana savdo
• Гиёҳвандлик
• Ichki ishlar
• Сурхондарё