Венгрия пойтахти Будапешт шаҳрида сув спорти турлари бўйича ўтказилаётган жаҳон чемпионатида ҳамюртимиз Алексей Тарасенко Ўзбекистон рекордини янгилади.

100 метр масофага эркин усулда сузиш мусобақасида баҳсларга киришган спортчимиз белгиланган масофани 49.35 сонияда сузиб ўтиб, аввалги рекорд кўрсаткични 0.10 сонияга яхшилашга муваффақ бўлди.

Ушбу кўрсаткич Тарасенкони ярим финал баҳсларига чиқиши учун бироз камлик қилди ва шу тариқа, Алексей Будапешт шаҳрида ўтказилаётган жаҳон чемпионатидаги иштирокини якунлади.

Маълумот учун, 100 метр масофага эркин усулда сузиш бўйича Ўзбекистоннинг аввалги рекорди терма жамоамизнинг яна бир тажрибали спортчиси Хуршид Турсуновга тегишли эди.

• Ўзбекистон
• Сув спорти
• рекорд