“Apple TV” медиа платформаси “YouTube” каналида “Тед Лассо” телесериалининг учинчи мавсуми трейлери эълон қилинди.

Қайд этилишича, сериал 15 март куни эфирга узатила бошланади.

Бу мавсумда бош қаҳрамон футбол вундеркинди мураббийи сифатида эътироф этилган Нейт билан майдонда учрашади. У “Ричмонд” клубидан “Вест Хэм Юнайтед”га кетганидан сўнг, Рой Кент ва Бирд биргаликда Лассонинг ёрдамчисига айланади. Улар жамоани майдонда ҳам, ундан ташқарида ҳам йиғишлари керак бўлади.

“Тед Лассо” сериалининг биринчи мавсумида маҳаллий жамоани муваффақиятга олиб бориш учун Англияга бориш бўйича ғайриоддий таклиф олган америкалик футбол мураббийи ҳақида ҳикоя қилади. Муаммо шундаки, янги жамоа классик футбол ўйнайди, қаҳрамон эса буни умуман тушунмайди.

Сериалда бош ролни “Saturday Night Live” телекўрсатуви ва “Чидаб бўлмас хўжайинлар” фильмининг икки қисми билан танилган комедиячи Жейсон Судейкис ижро этган. Лойиҳа машҳур ссенарий муаллифи, “Клиника” ва “Хишниц шаҳарчаси” муаллифи Билл Лоуренс томонидан ёзилган.

“Тед Лассо” – Жейсон Судейкис, Билл Лоуренс, Брендан Хант ва Жо Келли томонидан яратилган спорт мавзусидаги Америка комедик-драма телесериали, худди шу номдаги персонажга асосланган. Судейкис биринчи марта Англия Премер-лигаси учун “NBC Sports”нинг бир қатор реклама роликларида суратга тушган. Сериал америкалик футбол мураббийи Тед Лассо ҳақида ҳикоя қилади.

Сериал, айниқса, актёрлар ижроси, сценарий, кўтаринки оҳанг ва қамраб олинган мавзулар кўлами учун эътирофга сазовор бўлди. Бошқа мукофотлар қаторида у 20 та “Primetime Emmy” мукофотига номзод бўлиб, мукофот тарихидаги энг кўп номзод кўрсатилган янги комедия бўлди. Бундан ташқари, Судейкис телевидениедаги мусиқий ёки комедия сериалидаги энг яхши актёр номинациясида “Олтин глобус” мукофотини қўлга киритган.

• Apple
• Сериал