Оқ уй сайтида эълон қилинган рўйхатга кўра, эндиликда Буркина-Фасо, Мали, Нигер, Жанубий Судан ва Сурия фуқароларига ҳам Қўшма Штатларга кириш тақиқланади. Бундан ташқари, тақиқ Фаластин мухторияти томонидан берилган ҳужжатлар эгалари учун ҳам амал қилади.

АҚШ ҳукумати, шунингдек, айрим давлатлар фуқароларига нисбатан қисман кириш чекловлари жорий этиладиган мамлакатлар рўйхатини кенгайтирди. Бу рўйхатга 15 та давлат, жумладан Ангола, Нигерия, Сенегал ва Танзания киритилди.

Шу билан бирга, Вашингтон Туркманистон фуқаролари учун ноиммиграцион визалар беришга қўйилган тақиқни бекор қилди, бироқ иммиграцион визалар билан кириш бўйича чекловлар сақлаб қолинди.

Президент Трамп июнь ойида махсус фармон билан 12 та давлат фуқароларининг Қўшма Штатларга киришини тақиқлаган, шунингдек яна 7 та давлат фуқаролари учун қисман чекловлар жорий этган эди. Ушбу рўйхатга Эрон, Венесуэла, Туркманистон, Афғонистон ва бошқа мамлакатлар киритилганди.

Ноябрь ойида Оқ уй ушбу 19 та давлатдан келган хорижликларнингGreen Card’ларини қайта текширишини маълум қилганди.

• АҚШ
• Миграция
• Қарор
• Ташриф
• Трамп