Нобел қўмитаси “кўплаб мурожаатлар муносабати билан” Тинчлик бўйича Нобел мукофоти лауреати мақоми ўзгармас эканлиги ҳақида пресс-релиз эълон қилди.

“Фактлар аниқ ва барчага яхши маълум. Нобел мукофоти берилгани эълон қилингандан сўнг, у қайтариб олинмайди, бўлинмайди ва бошқа шахсларга топширилмайди. Қарор якуний бўлиб, доимий кучга эга”, – дейилади қўмита баёнотида.

Аввалроқ Венесуэла мухолифати етакчиларидан бири Мария Корина Мачадо, 2025 йилда олган Тинчлик бўйича Нобел мукофотини АҚШ президенти Доналд Трампга топширишга тайёр эканини билдирганди.

3 январь куни АҚШ махсус кучлари Венесуэла президенти Николас Мадурони ўғирлаб кетганидан сўнг, Мачадо “венесуэлаликлар учун озодлик вақти келди”, – деб баёнот берганди. Бироқ Доналд Трамп Венесуэлани АҚШ витсе-президенти Делси Родригес билан ҳамкорликда бошқаришни режалаштираётганини айтди. Родригес Мадуронинг узоқ йиллик сафдоши ҳисобланади.

Трампнинг сўзларига кўра, Мачадо мамлакат ичида етарли қўллаб-қувватловга эга эмас. The Washington Post манбаларининг хабар беришича, АҚШ президенти Мачадони қўллаб-қувватлашдан у Нобел мукофотини Трампга беришга рози бўлмагани сабабли воз кечган. Чунки Доналд Трамп ушбу мукофотни олишни жудаям хоҳлаган.

• АҚШ
• Мукофот
• Нобел
• Трамп
• Венесуэла