Қашқадарё вилоятида йўловчи ташиш фаолияти билан шуғулланувчи “Шарофиддин-Нурилло”, “Бешкент Қарши Транс Сервис”, “ДилСамо-Нур” корхоналари томонидан 37 дона Ютонг автобуслари, “Базарча” корхонаси томонидан эса 6 дона Asiastar русумли автобуслари олиб келинди.

Бугун, 12 январь вилоят ҳокими Муроджон Азимов, нуронийлари ҳамда кенг жамоатчилик вакиллари иштирокида янги автобусларнинг шаҳар йўналишларида фаолият бошлашига бағишланган тантанали тадбир ташкил этилди.  

Янги автобуслар Қарши шаҳрининг транспорт Бош режаси асосида белгиланган 4 та йўналишларга жойлаштирилмоқда. Натижада Қарши шаҳрида брутто-шартнома тизимида хизмат кўрсатувчи автобус йўналишлари сони 12 тага ва уларда ҳаракатланадиган автобуслар сони 139 тага етди.

Ушбу автобуслар бир кунда 150 минг нафар вилоят аҳолисига сифатли жамоат транспорти хизмати кўрсатиш қувватига эга. Шунингдек, жорий йилда 5 та ташаббускор тадбиркорлар томонидан яна 100 дона Хитойда ишлаб чиқарилган замонавий автобусларни харид қилиш ҳамда 9 та брутто-шартнома йўналишларига жойлаштириш бўйича ишлар олиб борилмоқда.

• Автобус
• Қарши
• Qashqadaryo
• Transport vazirligi