Tesla газ педали ёпишиб қолиши хавфи туфайли барча Cybertruck пикапларини чақириб олишини эълон қилди. Давлат йўлларда хавфсизликни назорат қилиш маъмурияти томонидан эълон қилинган чақириб олиш тўғрисидаги билдиришномага кўра, катта куч қўлланилганда, газ педалининг ёстиғи жойидан чиқиб кетиши ва педаль ички тримга ёпишиб қолиши мумкин.

CNN таъкидлаганидек, Cybertruck педалининг “ёпишиб қолиши” хавфи аввалроқ ижтимоий тармоқлар ва ихтисослашган форумларда муҳокама қилинган.

NHTSA тримнинг беқарор маҳкамланиши Техаснинг Остин шаҳридаги заводда Cybertruck йиғиш технологиясининг рухсатсиз ўзгариши билан изоҳланган. Педаль қопқоғини ўрнатишни соддалаштириш учун автомобиль заводида совун ишлатилган. Совун қолдиқлари қисмларнинг ёпишишини камайтирди ва дизайн режалаштирилганидан камроқ ишончли бўлди.

Tesla томонидан 2023 йил 13 ноябрдан 2024 йил 4 апрелгача ишлаб чиқарилган жами 3878 та пикап чақириб олиниши керак. Бу электр транспорт воситаларининг деярли барчаси Қўшма Штатларда, дея қайд этади CNN.

• Tesla