“Толибон” радикал ҳаракати Америкада ишлаб чиқарилган қуролларни, жумладан, “Apache” вертолётларини Россия ва Хитойга сотади. Бу ҳақда АҚШнинг собиқ президенти Доналд Трамп кеча, 4 март куни Вашингтон чеккасида АҚШ Республикачилар партияси консерватив доираларининг йиллик конференциясидаги нутқида айтиб ўтди.

"Ўтган куни Афғонистон "Толибон"и қурол сотиш бўйича дунёда иккинчи ўринда экани ҳақида ўқидим. Чунки улар биз берган нарсаларни сотишади", – дейди сиёсатчи.

Трампнинг айтишича, “Толибон” "Apache" вертолётларидан нусха кўчирмоқда.

"Улар биз берган барча ажойиб, янги нарсаларни сотмоқда. Дунёдаги энг яхши "Apache" вертолётлари. Улар бирини Россияга, бирини Хитойга беришди. Улар уни ажратиб олиб, нусха кўчиришади. Энди улар буни қилишади, чунки улар аслида жуда ақлли", – дейди собиқ АҚШ президенти.

Унинг фикрича, Америка қўшинлари Афғонистондан олиб чиқилгач, бу мамлакатда 700 мингга яқин ўқ отиш қуроли ва 70 минг дона АҚШда ишлаб чиқарилган техника қолган. "Уларнинг аксарияти янги эди", деб хулоса қилди Доналд Трамп.

• АҚШ
• Афғонистон
• Қурол
• Трамп