Кеча, 18 сентябрь куни “Tashkent index”га талабаларни жойлаштириш бошланди.

Тошкент шаҳар ҳокимлиги ташаббуси билан шу кунларда “Tashkent index” савдо мажмуасида талабалар учун ётоқ жойларни тайёрлаш жараёнлари олиб борилаётган эди.

Ҳокимлик томонидан мақсад қилинганидек, айни пайтда мавжуд эҳтиёж учун қарийб 3 минг ўринли жой ҳозирланиб, дастлабки кунда уларга 600 дан ортиқ талаба-қиз жойлаштирилган.

“Талаба-қизлар ва уларнинг яқинлари дастлаб мажмуадаги шарт-шароитни кўздан кечириб, яратилган имкониятдан мамнун эканликларини яширишмади. Шунингдек, бу ишларга бош-қош бўлган Тошкент шаҳар ҳокимлиги масъулларига ўз миннатдорликларини билдиришди”, – дейилади хабарда.

Қайд этиш мумкин, эҳтиёждан келиб чиқиб, ётоқ ўринларни ошириш ва уларга талабаларни жойлаштириш ишлари давом эттирилади.

• Олий таълим
• Университет
• Yotoqxona