The New York Times маълумотига кўра, АҚШ Конгресси аъзоларига тақдим этилган ҳисоб-китоблар фақат айрим асосий ҳарбий харажатларни ўз ичига олади. Шу сабабли кампаниянинг биринчи ҳафтаси учун якуний харажатлар бундан ҳам сезиларли даражада кўпроқ бўлиши мумкин.

“Бунга айрим қўшимча харажатлар, хусусан, логистика таъминоти, қўшинларни жойлаштириш ва бошқа ҳарбий операцион сарф-харажатларнинг барчаси тўлиқ киритилмаган”, – дея қайд этади The New York Times.

АҚШ оммавий ахборот воситаларининг ёзишича, Пентагон расмийлари аввалроқ Конгрессга урушнинг дастлабки икки кунидаёқ тахминан 5,6 миллиард АҚШ долларлик ўқ-дорилар сарфлангани ҳақида маълумот берган. Бу рақам аввал жамоатчиликка тақдим этилган тахминий ҳисоб-китоблардан анча юқори экани таъкидланмоқда.

Таҳлилчиларга кўра, ҳарбий амалиётда юқори аниқликдаги ракеталар, қанотли ракеталар ва бошқа замонавий қуроллардан фаол фойдаланилаётгани харажатларнинг кескин ошишига сабаб бўлмоқда.

• АҚШ
• Eron
• Уруш