“Ўзбекистон элчихонаси томонидан фуқаролар билан ўтказилган навбатдаги консуллик қабули давомида Самарқанд вилоятида туғилган фуқаро Р.М. билан мулоқот ўтказилди”, – деб хабар қилмоқда “Дунё” ахборот агентлиги.

Суҳбат давомида Р.М. 2023 йил апрель ойида Полша Республикасига ишчи визаси асосида вақтинчалик меҳнат фаолиятини амалга ошириш мақсадида келганини маълум қилади.

Ҳозирга қадар у оғир касалликка чалинган бўлиб, Полшадаги тиббий муассасалардан бирида даволанган.

Шу муносабат билан фуқаро ватанга қайтиш ҳамда Ўзбекистонда даволанишини ташкил этишда амалий ёрдам кўрсатишни сўраб мурожаат қилган.

Унинг мурожаатини инобатга олган ҳолда, Ўзбекистон Миграция агентлиги билан ҳамкорликда амалий чоралар кўрилган. Хусусан, фуқаронинг ватанга қайтиши учун авиачипта харид қилиниб, учишгача бўлган даврда вақтинчалик яшаш жойи билан таъминланган.

Кеча, 11 март куни Р.М. Варшава-Тошкент авиарейси билан Ўзбекистонга учиб кетган.

• Агентлик
• Миграция
• Моддий ёрдам
• Ўзбекистонлик
• Полша
• fuqaro